Right column:

ġazel‑i Āhī

remel: fāʿilātün ‑ fāʿilātün ‑ fāʿilātün ‑ fāʿilün

1 Ḥaṭṭuñuñ māh‑i felek mihr‑ile ser‑gerdānıdur
Qaddüñüñ serv‑i sehī āşüfte vü ḫayrānıdur

2 Gizleme zülf‑i ʿaraq‑rīzüñ külāhından [!] çıqar
Dil‑berā çūn yüzünüñ eays‑i gül‑āb‑efşānıdur

3 ʿAks‑i laʿlüñ‑le gören dėr çeşm‑i pür‑eşküm benüm
Dürr ü mercān‑la müzeyyen ṣayrafī dükkānıdur

4 Gül‑sitānda berg‑i gül ṣanma ṭaġılmış bādeden
Küşte‑i ḫār‑i ġam olan ʿandelībüñ qanıdur

5 Ḫüzn‑i Yaʿqūb‑ile Āhī mübtelā qıldı beni āh
Mıṣr‑i ḥüsnüñ ol şeker‑leb Yūsuf‑i Kenʿānıdur

Left column:

ġazel‑i Muʿīdī

remel: fāʿilātün ‑ fāʿilātün ‑ fāʿilātün ‑ fāʿilün

1 Fāş ėdüp rāzum cihāna dāstān ėtdüñ beni
Āh vāveylā ki rüsvā‑yi cihān ėtdüñ beni

2 Dürlü dürlü dil döküb aldaduñ alduñ ʿaqlumı
Uġruk uġruk [?] ġamze qılduñ nā‑tüvān ėtdüñ beni

3 Ṭutmaġ‑içün her ṭaraf nām‑i nişānum ʿālemi
Öldürüb cevr‑ile bī‑nām u nişān ėtdüñ beni

4 Niçe sırr olsun Muʿīdī rāz u pinhānum ki sen
Defterin dīvāne yazub dāstān ėtdüñ beni